Kjell Øystein - mellom fjord og fjell

No er sola komt tilbake i Tromsø, og dens varme og glede  vart observert på topptur forrige laurdag, på lille blåmann. Ganske deilig å sjå sola igjen her oppe, etter ca 2 mnd fråvær.



Innimellom alle reknestykka i kvardagen blir det ofte litt tur i helga. Bilde ovanfor og under er frå lille blåmann, mens neste bilde er frå kveldstur på rødtind, i måneskinn.



Rødtind er en svært enkel topp, ca 400 m og lett tilgjengeleg. Brukte ca 1 time opp og ok nedkøyring. Litt stein her og der, men det gjekk fint.



På sjølvaste soldagen hadde eg også bursdag ( og det var offentlig flaggdag...) så det vart litt feiring heime i boblehuset (der eg bur), med kaker og ild !



Fint det.

I dag er går sola under horisonten og forsvinn for oss her i nord. Det er ganske mørkt om dagane, spesielt når det ikkje er snø og når det regnar. Litt lyst når eg går til skulen, lyst fram til ca halv tre og mørkt når eg går heim igjen. Jada, sånn går no dagan. Lyset i mørket må vere den gode stemninga i kollektivet vårt. Her er det fellesmiddag kvar dag og stor-kaffikos-og-noko-attåt-faktor. Skal ikkje klage på det.

På skulen har eg starta eksamenslesing. Skal ha eksamen i ex-fil og programmering neste fredag, to på samme dag. Litt uheldig med den kombinasjonen, men det må no gå som det går. Har starta lesinga av filosofi denne veka og er djupt inn i sokrates, platon, kant, mfl. Prøver å få orden på alle tankane, ein del å halde styr på kan ein seie.
I all matematikken er det jo litt kjekt med litt forandring i lærestoffet, men blir fort trøtt av å berre sitte å lese og ikkje rekne.

Livet er fint i nord.

Solnedgang sett frå Senja tidlegare i haust :)

Har fått meg kjæreste i løpet av sommaren. Kristine er ei veldig kjekk jente i frå Trondheim, som eg var stipp i lag med på Nordfjord FHS. Stas !

Bildet er tatt på Gjervasstind i Hurrungane i sommar, i lett snødriv!

Er no komt til Tromsø, der eg skal vere iallefall det neste året. Skal studere mattematikk på universitetet, og ser fram til det!
Bur i eit flott hus, i lag med 4 andre. Huset har to stuer, badstue, to bad, stor hage, garasje ++. Fin standard. Blir bra å bu i eit kollektiv, sosialt og fint.

Så det er berre å ta turen nordover. Billige billettar på www.norwegian.no!






Eik og Kristian på middagsbesøk!

Etter fjorårets fantastiske påske i lyngen ( 8 dagar med sol og kjempeføre) hadde eg håp om gjentaking denne påska også. Men eg må konstatere at været ikkje er på mi side denne påska. Har no vore her i 6 dagar, og sett sol i 2 timar (og det var i går).

Var fyrst på tur med Håkon og Anders sør på Lyngenhalvøya. Her overnatta vi 2 netter i telt, og låg stort sett i teltet. Været var dårleg, snøbyger og etter kvart regnbyger og lågt skydekke. Vi prøvde oss på ein topptur, men måtte snu på 600 moh, då vi ikkje såg stort. Passe våte reiste vi tilbake til Tromsø og kåken til Håkon for å tørke opp.

Etter eit døgn heime hos Håkon la vi ut på ny tur, denne gong til ei hytte på Kvaløya utafor Tromsø. Komforen var betraktelig større og det vart riktig så koselig med radio, gode middagar og fyring i ovnen. Her overnatta vi eit døgn og kom i går oss opp på Skittentind ( litt over 1000moh). Sikta var sånn passe, men føre var topp. Pudder ! Vi traffa faktiske mange tidlegare Nordfjord elevar på toppen, som også var på påskereuniontur i troms. arti.

I dag reiste Anders tilbake til bergen. Håkon skal lese (studere) resten av påska, mens eg skal på tur med brodern og to andre øytunelevar lenger inne i troms. Værmeldinga seier kuling og snøbyger dei neste dagane, så det spørs vel kor mange toppar vi kjem opp på. Vi skal til Rotsunddalen, og har håp om å ligge i ei gamme som
4H har bygd. Blir stas å treffe brodern igjen, og det blir utfordrande med enda meir vær...men det finst jo berre dårlege klær.

Onsdag om ei veke reiser eg tilbake til Vestlandet og er klar for siste innspurt på Nordfjord. 


God påske til alle! Og nyt finværet dei som har det.

  

ned frå nausthornet (1895 moh)



ned frå Karitind (1982 moh).
Martin i siget

Ellers hadde vi kalde og fine dagar. Sol, blå himmel og temp ned mot -35 grader.

Etter fleire dagar med regn, 6 grader, skodde, regn igjen og grøne marker vart tid i dag litt forandring. Romjula betyr som regel snø og ski, men i år måtte vi reise ekstra langt etter det. Ja heile 1 time og opp 1000 moh for å finne det kvite element.

I dag vart det skitur på the Nets, pluss ein far.



Det var årets fyrste skitur på den karen, og måtte slite hardt for å halde følge med gutane sine. Men humøret var det ikkje noko å sei på.

Målet for turen var sjølvsagt turen, som ein blant anna lærer på ein friluftslivfolkehøgskule. Men vi ville også prøve å nå Krosshø på 1857 moh. Ein ukjend topp, nord for strynefjellesvegen. Etter to timars trasking vart det lunsjpause, men no vart skydekket lågare og vi såg kvitt, og berre kvitt. Etter rådslagning bestemte vi oss for å snu. Det var like greit for Arne, som kjende det ganske godt i beina, blir jo ikkje i så god form av å gå på Øytun Folkehøgskule. Det har blitt mykje innsitting, og lite tur på den karen, då det berre er lys tre-fire timar midt på dagen. Nok om det, vi la i veg nedover i flatt lys, men i glede over telemarksvingane.



På veg ned, fann vi eit bratt heng, med gode mogelegheiter for hoppsvingar og anna sprell. Arne prøvde seg på ein liten dropp:


Før vi kom ned igjen til Grotli vart det tid på ei skredøving, med sendar/mottak. Fattern fekk litt opplæring og vart for fengsla av dette supre instrumentet.

Ned var alle vel nøgde med dagen og vi køyrde heimatt til Stryn og middag til ho mor.

Laurdag morgon kl 06.20 ringde klokka mi. Det var klart for topptur før jobb, og eg hadde fått med Einar Løken. Ein time seinare starta vi på turen opp til Skåla, ein kjend topp i Stryn, som har ei ikkje ukjend hytte på toppen. Værvarslet for dagen var upåklageleg, men av litt merkelege grunnar fekk vi kun få små solgløtt på veg opp. Uansett var det lite klaging, og etter 4 1/2 time nådde vi hytta med 18 soveplassar.



Hytta er eigd av Bergen Turlag, og er godt eigna til lunsjplass :)



Veldig greit når det bles ute. Men det var faktisk kaldare inni enn ute ( 4 grader skilnad) !

Etter ein times pause sette vi kurs mot havnivå og kunne gladeleg observere at goværet hadde slått til og vi fekk sol og blå himmel:) Køyringa nedatt var svært bra, flott styresnø og ikkje gjennomslag.
Med slikt vær var det litt fotosession....


Einar i fint driv


Eg koste meg også

Halvannan time seinare var vi ned igjen med bilen etter å ha køyrt forbi nesten 30 stk i ulike turfølger som var på veg oppover!! Folksomt på skåla i dag, men vi var først opp. Yes.



Vi var svært fornøgde med turen begge to og for meg bar det rett på jobb på esso i 7 timar etter turen. Hard, men bra dag.

Mens resten av landet var prega av skyer, regn, snø og vind. Ja rett og slett drittvær mange plassar, viste den nordnorske naturen seg frå si ypperste side. Goværet som hadde vart i ein månad tok ikkje slutt og vi fekk strålande vær heile påska også.

I lag med Didrik, Håkon, Anders og Eik campa vi 7 netter i lyngsdalen, sør i Lyngsalpane i Troms.




Vi kom inn seint palmelaurdag med blytunge sekkar, fulle med utstyr og mat. Eik hadde lagt ned ein fabelaktig innsats på matfronten, og vi såg alle fram til ei vekes etegilde sjølv om det var mindre kjøtt enn før....

Søndag la vi veg til Daltinden (1520moh). Pudder heile sida ned, og perfekt helning. I botn laga vi hopp og det vart mykje knall og fall, men også flotte svev.



Anders i lufta.

Mandag satsa vi først å ta ein fyggtravers, men vi måtte snu raskt grunna mykje lagdeling og stpr skredfare der vi skulle gå. Men vi kom oss opp på Polfjellet, der vi gjekk opp i sørhellinga, med ein heilt anna snø og mindre skredfare. Vi kom ikkje ned igjen før kl 9, så det vart ein lang dag.

Tirsdag vart ein roleg dag, med fortsatt sol og blå himmel. Vi brukte sunblock aktivt og det vart raskt mykje naken hud grunna solsteiken. Vi start ikkje før i 11 tida, men fekk ein fin nedkøyring i sørhellinga.



Onsdag var det klart for ein skikkeleg langtur, der vi skulle prøve å nå det høgste fjellet i Troms fylke, Jekkhivarre, 1834 moh. Vi måtte først gå inn dalen og opp ein lang bre, totalt 10 km i luftlinje. Etter å ha komt oss opp breen til passet på ca 1300 moh, viste det seg at ryggen vi måtte klatre opp, var altfor bratt og eksponert. Så vi måtte gje opp Jekkhivarre, men fant oss ein anna topp like ved, Balgisvarre på 1650moh. Bra erstatning! og fantastisk utstikt, til heile lyngen.


i taulag over breen. lyngsdalen bak.

Torsdag og fredag fekk vi litt meir normalt vær. Med litt skyer og vind. Men vi kom oss opp på Rundfjellet, 1400 og ein avslutningstur på Daltind.

Påsketuren vår vart avslutta påskeafta, då vi måtte reise heim ein dag før grunna for lite mat. Så vi fekk ein dag i Tromsø også eg reiste heim 1.påskedag. Det var ei herleg veke, masse tull og gøy, og veldig sosialt.
Mykje bra skikøyring, ingen utløyste skred og god mat! Kjekt å vere på tur med gjengen, lenge sia sist.